خلاوي الشيخ السماني الخليفه الأمين الشيخ برير والحسين لتحفيظ القرآن الكريم وعلومه


    مدحة:-سيدي الجميل فاق القمر حين طلا

    شاطر

    مدحة:-سيدي الجميل فاق القمر حين طلا

    مُساهمة من طرف محب الخليفه السماني في الأحد سبتمبر 16, 2018 11:29 am

    سيدي الجميل فاق القمر حين طلا
    مربوع  القوام في الطول يفوق الخلا
    سيدي الرسول ابن امنة وعبدالله
    صلوا عليه الجميع وقولوا تبارك الله
    نحمده المعين  الخالق هو الله
    رازق الجنين والطير في سماء الله
    نسألك ياسميع لدعاي في كل مرة
    تهدينا الصراط المستقيم درب الله
    نزور الحبيب الليهو عظم الله
    سيد المرسلين وسيد خلق الله
    زاهي وجميل النور عليه حلة
    ذو الطبع الخلوق بيهو الحياة تتعلا
    كالماء  للوجود من غيره مافي ملأ
    سراجٱ منيرٱ والنور منه تدلى
    انار الوجود والشمس به تتجلى
    يعقبها القمر منك ياسيدي
    الرسول لابس الجمال والحله
    خصاك الآله بي سره ليك علا
    زي  البحر  الفيهو  ما مكشوف بره.
    العايم في مياك سبح اتعلا
    يغسل  من  درن ومن الذنوب اتحلا
    بيك ينجي  والله مابضوق مره
    سيدي الحبيب انا في هواك والله طايح مره
    داير امشي ليك بالطائرة أو بي برا
    ثم صلاتي عليك يالنور العظيم السرو يتجلى
    والتسليم يعم يملأ الفراغ يتعلى
    سيدي الرسول سيد الجمال والحله
    بل انت الجمال وبيك الجمال يتجلى
    السماني النظم اكسيه يلبس حلة
    ينظر ليك يشوف في كل يوم  كم. مرة

    *خادم سيدي النبي السماني الخليفة الأمين الشيخ برير*

      الوقت/التاريخ الآن هو الخميس نوفمبر 22, 2018 1:50 pm